SY FANT

Vi kom til Gibraltar 5 februar etter ein fin seglas i gunstig vind.Observerte ein flokk med delfinar underveis,men dei var for langt innmed land til at vi fekk nærkontakt med dei denne gangen. Når vi kom fram til Gibraltarklippa tok vi ned segla på grunn av sterke fallvindar og gjekk siste timen for motor til Queensway Quai Marina i sentrum. Her vart me liggande til laurdag då vi nytta vinden frå aust og segla vidare til Barbate gjennom Gibraltarsundet. Vi gjekk 2 turar opp til toppen av klippa og møtte apene som var ein artig opplevelse. Det er ca 300 aper på Gibraltar og det er ulike teorier korleis dei har etablert seg her, men eit populært innslag er dei .Eine turen opp på klippa gikk vi The Mediteranien steps, flott og luftig utsikt. Gibraltar vart i 1830 en britisk koloni og har i dag ca 25 000 fastboande. Middelhavet er no unnagjort for denne gong, mange fine plassar og opplevingar tek vi med oss Vi fylte diesel til 5 kr pr.liter før avreise. Her er det normalt austleg straum og den møtte vi på turen med 3 knop i mot oss. Etter vi runda Tarifa fekk vi gunstig vind samtidig som straumen minka og hadde god bør vidare til Barbate. No ser vi tydelig forskjell på tidevatnet som er +- 2 m i Barbate og må vidare planlegge avgang og ankomst etter tidevatnet. Frå Barbate segla me vidare i dag til Cadiz i god bør med vind frå aust.

---