SY FANT

04.07 Gjekk vi vidare kl 9 i nydelig veir og sol frå klar himmel. 5 timar på kanalen utan ei einaste sluse. Etter 3 timar kom vi inn på Dortmund Ems Kanal. Rein og fin kanal der folk bada langs bredda. Såg faktisk innbydande ut i forhold til kanalane før. Gjekk vidare i 2 timar og inn i ein flott marina, Alte Fart Fuestrup med nok klaring under kjølen. Sykla 50 km i 32 grader og såg fotballkamp på resturangen i marinaen. No er det meir å sjå langs kanalen i forhold til Mittelandkanalen som er rimelig kjedelig med mykje vegitasjon, kun skog, ender og andre båtar, men mange fine byar langs kanalen når vi tar sykkelen fatt. Frå Alte Fart Fuestrup gjekk vi vidare og slusa Gelsenkirchen og la oss til ved bredda av kanalen. Vi sykla ein 40 km tur langs kanalen. Søndag vart det ei ny sluse,flott veir og folk kosa seg langs kanalen. Vi kom fram til Hafen Oberhausen der vi fekk ligge langs brygga til turistbåten. Det var langt mellom havner og liggeplassar på denne strekninga. Neste dag gjennom 2 sluser før vi kom inn på Rinen der vi fekk føling med motstraumen på 3,5 knop. Fart ca 4 knop på 2500 omdr. der vi gjekk 3 kilometer før vi gjekk inn kanalen til Duisburg. Rinen er utfordrande på mange måtar der vi må holde oss i same leia som dei store fraktebåtane på grunn av att vi stikk 1,7 m. Her er spesielle reglar der ein generelt skal møtast om babord side. Dei som går nedover elva har retten på si side til å gå over på motsatt side. Då slår dei ut eit blått skilt på styrbord side som er eit signal om at vi må gå over til andre sida av elva og møte dei på styrbord side. Vi ligg no i Duisburg med regn heile dagen. Litt klesvask er også godt å få gjort slike dagar. Vi tar sikte på å ta neste etappe til Dusseldorf der vi skal møte resten av familien som kjem på besøk. Vi har uklare medlingar om vannstanden på kanalen frå Metz til Lyon så vi har beslutta å ta båten på landevegen, trulig frå Trier til Lyon. Dagen har gått med til forhandlinger om transport og kraning.

---