SY FANT

Frå Dusiburg gjekk vi vidare på Rinen og var innom Dusseldorf. Kåre og Fant vart liggande i marinaen her ei veke medan Margrethe og Liv reiste på sykkeltur på Algarvekysten.  Alle var like fornøgde når veka var omme , I Køln tok vi imot besøk heimanfrå og fekk då manskap ombord som var til god avlastning opp den noko strenge Father Rhein . Bonn for vi og forbi før me runda det tyske hjørnet der Moselelva renn ut i Rinen. Rinen var utfordrande på mage måtar og vi drog i fløyta når vi runda Koblenz og slusa inn i Mosel som er kanalisert og har ein strøm i mot på 1,5 knop. Vi har kombinert kanalfart og sykling i Moseldalen siste dagane og er no i Senheim ca 70 km frå Koblenz. Mange små gamle «dorfar» ligg langs elvebredda opp denne vakre dalen. Ca 120 km lenger opp i elva (Schweich) lastar vi opp båten på bil 4 august. På grunn av problem med kraning og vannstand i Rhone tar vi båten på bil fram til Port Napoelon ved middelhavet der masta ligg og ventar på båten. Vi skulle gjerne gått på dei franske kanalane, men vi er også klare for å få meir vatn under kjølen. Vi har tidlegare feriert på dei franske kanalane med båt så vi veit ka vi går glipp av. Her går det sakte med mange små sluser, men romantisk er det. Moseldalen er fantastisk med vinrankar frå elvebredda og opp i ås-sidene. Her er aktiviteten blant vinbøndene veksande, men dei blir ikkje rike av vinen som kostar 35 kroner for god kvalitet. Vidare er det langt mellom slusene, ca 30 km og leida (midtfåra) er godt oppmerka med grøne og raude bøyer. Trafikken er til tider stor av nyttefartøy der vi må ta hensyn og stanse for å få nok avstand til å passere. Slusing er blitt kvardags og rutine. Vi fortøyer midtskips og bruker baugpropellen for å juster ved behov.

---