Bloggnorge.com // SY FANT
Start blogg

SY FANT

På langtur

Arkiv for: mars, 2015

Vi kom til Muros i Spania 17 mars etter fine dagar langs kysten. Her ligg vi fortsatt i påvente av gunstig vind for å runde nord-vest spissen av Spania og Fisterra (Cape Finisterre) eller Costa da Morte som betyr Coast of Death p.g.a mange skipsvrak langs denne kysten. Fisterra er også nevnt på latin som Lands End då dette er det punktet i nord-vest av Spania ein må runde før ein vidare seglar nord-nord-aust og vidare austover inn i Biscaya. I følge veirmeldingane ser det ut for at vi får brukbart veir for runding av Fisterra torsdag eller fredag denne veka. Vi har brukt tida med landligge i Muros til å sykle ei runde på 3 dagar inn i landet der vi på turen besøkte Santiago de Compastela. Dette er byen der pilgrimane endar opp si vandring gjennom Spania og vi besøkte den fantastiske katedralen som vert regna for å være grava til apostelen Jakob. Katedralen er ein av dei største i Europa og i 1985 vart gamlebyen og katedralen ført opp på verdensarvlista til UNESCO. Våren er i anmars, og det er shortsveir når ein er i le for den kalde nordavinden. Ute på havet er det forstatt kaldt så dei dagane vi seglar er det fortsatt full vinteruniform. Muros er ei typisk fiskerihavn der marinaen vi ligg i er ein del av fiskerihavna. Det er stor trafikk av båtar inn og ut av havna og vi får kjøpt fersk fisk, blåskjell og skalldyr 5 min frå båten. Det er sesong for makrell frå januar til april så dette er fast på menyen ein dag i veka.

tirsdag 24. mars , 2015 kl. 21:04 i Ukategorisert. 0 kommentarer »
Viana da Castelo

Viana da Castelo

Muros

Muros

Hus for lagring av grønnsaker i gamle dager

Hus for lagring av grønnsaker i gamle dager

Katedralen i Santiago de Compastelo

Katedralen i Santiago de Compastelo

Nabo i Muros

Nabo i Muros

Fersk makrell til middag

Fersk makrell til middag

Vi kom til Porto 10 mars og har hatt lite vind frå Cascais i Lisboa som var siste havna før me segla vidare mot Porto. I Figueira da Foz låg vi over ein ekstra dag på grunn av sterk vind frå nord. Vi har stort sett hatt motvind (nordavind) siste dagane, men ikkje meir enn att vi har har hatt god framdrift for motor. Figueira da Foz er ei havn som ofte vert stengt på grunn av svell (drag), men vi var heldige på det tidspunktet vi gjekk inn og ut av denne havna. Sjølv om havna var åpen når vi gjekk inn var det likevel spennande og segle inn mololøpet i 3-5 meter høge bølger.Vi har vore her på ferie for mange år sidan ilag med Jonas, og det var kjekt å sjå att denne fiske og feriebyen  Når vi gjekk ut av Figueira da Foz og ned elveløpet møtte vi flytegarn som var sett på tvers i elva på to plassar. Dette var uventa, men vi oppdaga dei tidsnok til å gå klar. Innløpet til Aveiro var også utfordrande på grunn av svell, men vi gjekk inn på flødane sjø og hadde fart på 11,5 knop til vi var på innsida av moloen. Her gjekk vi ein time opp i elva og la oss til på ein lokal marina. Det går fleire kanalar gjennom Aveiro, og det minner litt om Venezia med fargerike kanalbåtar,bruer og smale utsmykka hus. Er også ein av dei viktigaste fiskerihavnene i Portugal. Neste dag gjekk vi ut på fjørande sjø og vidare til Porto der marinaen ligg 2 NM frå innløpet av elva. Porto er ein spesiell by på mange måtar og bør opplevast. Det er ein av dei gamlaste byane i Europa, og nest største byen i Portugal. Fantastisk bru over Duero-elva, og over alt er det ting å sjå som imponerer  Tok ei runde med tuk tuk bil, ein fin måte for sightseeing for så å spasere rundt etterpå. Kysten av Portugal er utfordrande med mykje svell og garn så vi har stort sett å gått ein time ut frå land for å unngå dette. Men det vert også mange gode fiskemiddagar langs denne kysten, både lokal fisk og bacalao frå…Norge…  Vi tek sikte på å segle vidare 16 mars og vil då nå siste havna i Portugal før me på nytt er i Spania. Siste dagana har vi fornya mannskapet med Piotr ein kollega frå Polen.

torsdag 12. mars , 2015 kl. 22:59 i Ukategorisert. 0 kommentarer »

Figueira da Foz

Kysten ved Peniche

Kysten ved Peniche

Månefisk

Månefisk

Ut frå Aveiro

Ut frå Aveiro

Aveiro

Aveiro

Liv med personleg trenar

Liv med personleg trenar

Porto sentrum

Porto sentrum

Porto

Porto

Driftes av Bloggnorge.com - Gratis Blogg | PRO ISP - Blogg på webhotell og eget domenet | Genc Media - Webdesign og hjemmeside
Bloggen "SY FANT" er underlagt Lov om opphavsrett til åndsverk. Det betyr at du ikke kan kopiere tekst, bilder eller annet innhold uten tillatelse. Forfatter er selv ansvarlig for innhold. Tekniske spørmål rettes til post[att]bloggnorge[dått]com.
css.php
Driftes av Bloggnorge.com | Laget av Hjemmesideleverandøren
Denne bloggen er underlagt Lov om opphavsrett til åndsverk. Det betyr at du ikke kan kopiere tekst, bilder eller annet innhold uten tillatelse fra bloggeren. Forfatter er selv ansvarlig for innhold.
Personvern og cookies | Tekniske spørsmål rettes til post[att]lykkemedia.[dått]no.