SY FANT

I Stettin vart me liggande i 3 dagar. Tørka segl og tok ned masta som vidare vert sendt til Marseille i Frankrike. Den 13.06 gjekk vi inn på elva Odra til Gartz i Tyskland, her hadde vi hyggelig besøk av Piotr, kollega av Kåre Johan. Vidare til Oderberg der vi tok første slusa. Frå Oderberg gjekk vi til Berlin på Oder Havel kanalen. Utfordringa denne dagen var ei skipsheis som løfta oss 37 meter i eit stort kar. Eit fantastisk byggverk som vart påbegynt i 1927 og ferdig i 1933. Vidare mot Berlin inn i ei stor sluse som senka oss ned 12 m. Ei stund sidan sist vi hadde erfaring med slusing så Liv var litt skeptisk. Men alt gikk sakte og det var tid for litt «justeringar» underveis så bekymringane var unødvendig. Vi la oss til i Yachthafen Henningsdorf, ein liten marina tilknytta eit leiligheitshotell med god service. Dei sista dagane har vi sykla rundt i Berlin, ein stor og flott by, prega av fotballfeber for tida. Rundtur med buss var ein grei måte å sjå byen på, utanom sykkelen som er supert framkomstmiddel. I dag er me tilbake i båten etter bryllaupsfeiring i Frankfurt for ein kompis til Kåre Johan.

---